IMGP3081

Raporto de Fr. Benoît Ente

La kunveno komencis je la sepa kaj duono. Kelkaj el la partoprenantoj venis por preĝi kun la fratoj la vesperan preĝon. La aliaj partoprenantoj venis poste : Nicole kaj Anne-Marie Chaney, Sylviane kaj Henri Lafargue, Viktoro Simonnet, Jean-Louis Poullet kaj Michèle Abada-Simon. Mankis nur unu persono : Francisko Simonnet. Kial li ne precize indikis la horon de sia veno, tial ni ne atendis lin kaj komencis la legadon de la libro de Jona, unu el la 12 malgrandaj profetoj, en la preĝejeto de la kunvenejo. Kiam Sylviane finis la lastan ĉapitron, ni diskutis kune, celante kompreni la unikecon kaj la riĉecon de la rakonto. Nia konkludo rigardis kion povas diri Jona al esperantistoj ?

Post la legado, ni kunestis en la malgranda manĝejo de la kunvenejo. Jen venis Francisko. Li estis marŝinta en la strato dum pli ol unu horo ĉar li ne povis eniri en la kunvenejo, la stratpordo estante fermita ! Bonŝance li finfine renkontis fraton ĉe la pordo. Mi petis pardonon al li por mia neglekto. Nun ĉiuj partoprenantoj ĉeestis. Ni tre bone manĝis la dominikan finjaran manĝon kaj tre bone diskutis en ĝoja atmosfero. Tiel estis, ke noktomezo surprizis ĉiujn. Ni kisis sur la vangoj unu kun la alia, ni trinkis ĉampanon kaj manĝis la delikatajn blankajn ĉokoladojn faritajn de Michèle.

Kiam ĉiuj reiris hejmen, ni pensis ke estus bona se okazus sama legado, eble kun alia religia teksto, en la jaro.

Mesaĝo de Francisko Simonnet

En la jarfina vespero okazis en Parizo tre agrabla kaj, miaimprese, esperiga kunveno, en la Sankta-Jakoba monaĥejo de la Dominikanoj.

Nur parton mi povis ĉeesti (…) sed mi povas atesti, ke la ĉeestantojn tre ĝojigis la kunesto, kaj, ŝajne, ne nur pro la tre festecaj manĝaĵoj, kiujn ili frandis.

IMGP3085

IMGP3083

IMGP3087

IMGP3092

IMGP3097

IMGP3103